SIKKI PILLUGU
Ammukartiguk
SIKKIp OQALUTTUArisaanera
Suliffeqarfimmik aallartitsiniarneq imaannaanngilaq. Taamaattumik isumassarsiatsialaat amerlasuut ilaatigut piviusunngunngitsoortarput. SIKKImi isumassarsiappit piviusunngortinnissaannik ikiuinissatsinnik neqeroorpugut.
SIKKImi Kalaallit Nunaanni suliffeqarfiit ineriartortinnissaanik pitsaanerpaamillu inerneqartitsinissaannik anguniagaqarluta ikiuisarpugut. Tassa periusissamik pilersitsinerini pilersaarusiornerinilu siunnersorlugit, suleqatissanik eqqortunik nassaarullugit, avammut attaveqarnerinik kiisalu tuniniaavinnik nutaanik nassaarniarnerinik ikiorlugit.
Saniatigut aamma SIKKImi suliffeqarfiit pisortatut oqartussanit pigineqartut sunniutilimmik niuernissaannik, politikkikkullu soqutigittarlutik ingerlatsineranni ikiuisarpugut.
Anguniagarput
Anguniagaraarput tassaavoq Kalaallit Nunaanni piujuartitsinermik siunnerfeqarluta ineriartortitseqataanissarput.
Tamanna angusinnaavarput suliffeqarfiit ineriartortinnissaannik ikiornerisigut, pisortani oqartussat iluarsiissutinik pitsaanerusunik pilersitsinissaannik, kiisalu suliffeqarfiit nunani tamalaaneersut Kalaallit Nunaanni pilersitserusuttut aningaasaleerusuttullu ikiornerisigut, taamaalilluta suliffissanik aningaasarsiorfinnillu nutaanik pilersitsilluta.
Qanoq ililluta maanga pisimanerput
SIKKI Mikkel Schølerimit Aviaja Lyberthimillu 2019-mi pilersinneqarpoq.
Mikkel Schøler Kangerlussuarmi Nuummilu peroriartorsimavoq, 1995-mi ilaquttani ilagalugit Århusimut nuunnissami tungaanut.
Mikkel Naalagaaffiit Pissusiinik Ilisimatusarnermi (Statskundskab) kandidatiuvoq ilaatigullu Syddansk Universitetimi siulersuisunut ilaasortaasimalluni. Saniatigut Danmarkimi Socialdemokratini Europaparlamentskandidatiusimavoq. 2011-mi Mikkel Folketingemi Siumumi sulilerpoq, sammisanillu assigiinngitsunik siunnersuisarsimalluni, assersuutigalugu aatsitassarsiorneq, aalisarneq, takornariaqarneq, nukissiuteqarneq, nalunaarasuartaatikkut atassuteqarneq, suliffeqarfiit akileraartarnerlu pillugit inatsisiliorneq kiisalu nunat tamalaat pillugit politikki il.il. 2014-mi Mikkel siunnersortitut namminersortunngorpoq.
2014-miit SIKKIp pilersinnissaata tungaanut Mikkel Kalaallit Nunaanneersunik nunanilu avannarlerneersunik politikkikkut inuutissarsiornikkullu sullitaqarsimavoq, assersuutigalugu Inatsisartunut qinersinerni 2013-mi, 2014-mi 2018-milu qanimut peqataasimalluni. Politikkikkut suliaqartarnermini Mikkel qanimut attaveqarfinnik, kommuneni assigiinngitsuni, nunap ilaani assigiinngitsuni, Kalallit Nunaanni, Danmarkimi, nunani avannarlerni, nunanilu tamalaani partiit akimorlugit pilersitsisimavoq. Attaveqarfiit taakku SIKKI aqqutigalugu sullitaqarnermini atorluarsinnaavai.
Piujuartitsinermik soqutigisaqarneq
Soqutigisat aallaavigalugit suliaqarnissaq SIKKImi pingaartipparput, piujuartitsinerlu assut soqutigaarput.
Suliffeqarfimmik piujuartitsinermik anguniagalimmik pilersitsineq, silap pissusaanut avatangiisinullu tunngasuuginanngilaq. Suliffeqarfiit sulisunik atorfinitsitsisarnerinut, inuiaqatigiinnut qanoq sunniuteqaqataanerinut kiisalu pitsaasunik aalajangiisinnaanerinut aamma tunngasuusinnaavoq.
​
-
Silap pissusaanut avatangiisimullu mianerinninneq
-
Sulisunik iluarisimaarinnittunik sulisoqarneq pitsaasunillu atugassaqartitsineq
-
Aningaasaqarneq aalajaatsoq minnerpaamillu iluanaaruteqartoq
-
Nutaaliornermi suleqateqarneq
-
Suliffeqarfiit ineriartortinnissaannut ikiuineq
Aviaja Lyberth Maniitsumeersoq Ilisimatusarfimmi Oqaasilerinermi, Atuakkialerinermi Tusagassiuutilerinermilu kandidatiuvoq. Ilinniarnermini ilaatigut Dartmouth Collegemi USAmi semesteri ataaseq atorsimavaa.
Aviaja Visit Greenlandimi ukiut 8-t sulisimavoq. Tunuliaqut tamanna iluaqutigalugu Aviaja suliffeqarfinni internetsikkut nittarsaanermik ikiuisarpoq. Assersuutigalugu, grafiskimik ilusilersuinermi, inunnut attaveqaatinik ineriartortitsinermi kiisalu nittartagaliornermi.
Aviajap takornariaqarnerup silarsuaani suliaqarsimanermini takornariaqarnermik inuussutissarsiortunut atugassarititaasut ilisimavai. Tamanna SIKKI-mi sullitaqarnitsinni suliniutinilu assigiinngitsutigut siunnersuisarnitsinni atorluartarparput.
Ateq SIKKI pillugu
Ateq SIKKI “sikkerneq”-mit naalisagaavoq. SIKKI anguniagatsinnut assersuutitut atsiussaavoq. Tassami suliffeqarfiit sulisullu ineriartornissaat, tassa “sikkerarnissaat” anguniagaraarput.
Kalaallit Nunaat ungasianiit naggorluttutut isiginiarneqarsinnaavoq. Qanimulli isiginiaraanni Kalaallit Nunaat tassaavoq inuunermik ulikkaartoq. Issittup naasui, paarnaqutit orpikkallu, qaarsuit sikorsuillu sanileralugit naajorartut tassaapput nunarsuarmi nakkaannajuinnerit ilaat. Atugassarititaasut sakkortupput - naasunut suliffeqarfinnullu - Sumulli qiviassanerluni nalunngikaanni, tamaani inuunerup kusanarluinnartumik sikkerarnera takussaavoq.
Ikiorneqartillutillu annertuumik ineriartorsinnaapput.
