Nammineq nittartagartaarit

Atoruminartumik kusanartumillu nittartagartaarnissannik kissaateqarpit? Suliffeqarfippit pisariaqartitai malillugit sanaassinnaavatsigit.

Suliffeqarfiit tamavimmik nammineq pigisaminnik nittartakkamik pisariaqartitsipput. Avammut kiinnerluarsinnaanissaminnut, pisisartunit sumiissusersineqarnissaminnut attavigineqarnissaminnullu kiisalu minnerunngitsumik neqeroorutaasa pisiarineqarnissaannut periarfissaat nittartagaqarnermi annerulissammata.

Nittartagaliorneq ineriartortitsinerlu piffissamik atuinarpoq suliassarlu annikigani. Taamaattumik suliffeqarfiit minnerit amerlasuutigut nittartagaliornissartik kingulliuttarpaat, inunnullu attaveqaatiniinneq (sociale medier) naammagisarlugu. Inunnut attaveqaatiniinnissaq aamma pingaaruteqarpoq – pingaartumik nittartakkamiit tamanna aallaaveqarpat.

Nittartagaqarneq tatiginassutsinnik atorfinnullu pikkorissutsinnik takussutaasinnaavoq. Nittartakkat internetsimi saqqumilaarnerpit toqqavissarissavaa, tassanilu pisisartuppit ilisarnassutsit neqeroorutitillu tamakkiisumik takusinnaalissavaat. Ilisarnaqutit (brand) aamma tassani ineriartortinnerusinnaavat.

Uagut suleqatigaluta nittartagaliorneq ima isikkoqarpoq

1. CMS-systemi illit sulisuppillu ajornanngitsumik suliffigisinnaasarsi toqqassavarput

Content Management Systemit arlallit qujanartumik ajornanngitsumik nittartagaliornissamik ineriartortitsinissamillu uagutsinnut periarfissiipput. Systemi illit suliffeqarfinnut tulluartoq soorunami toqqassavarput.

2. Nittartakkap akia suliffeqarfinnut tulluartoq toqqassavarput

Nalunngiliuk akeqanngitsumik nittartagaliortoqarsinnaasoq? Nittartagarli akeqanngitsoq oqitsunnguussaaq nutsuiginarpallaaranilu. Sikkimi nalunngilagut suut iluaqutissaanersut suullu ajoqutissaanersut systemini akinilu assigiinngitsuni. Suliffeqarfinnut tulluartumik soorunami toqqaassaagut, nittartagassanni suut pisariaqartinneritit aallaavigalugit. Assersuutigalugu pulaartutit nittartakkanni pisisinnaassappat? Imaluunniit inniminniillutik? Assiliisartuuguit assiutitit takussutissanngortillugit inissikkusuppigit? Imaluunniit portfolioliorusuppit suliatit nittarsaallugit? Misissueqqissaarnikuuvugut ikiorsinnaallutillu sorliit systemit akillu kikkunnut tulluarnersut nalunatigit.

3. Domænessat nassaarissavarput nittartakkappillu imassai pitsaasumik inissaqartissavagut (hosting)

Domæne tassaavoq nittartakkappit najugassaa (url adresse). Naatsunnguussaaq ilisarnarlunilu. Aamma allanit pigineqariissanngilaq. Domæne pitsaanerpaaq ilinnut nassaarissavarput nittartakkannullu ikkullugu. Hosting aamma isumagissavarput taamaalillutit nittartakkat pitsaasumik iserfigisariaannaaniassammat sutigut tamatigut.

4. Skabeloni ilinnut suliffeqarfinnullu tulluartoq toqqassavarput

Stilimik aalajangersimasumik eqqarsaateqarpit? Imaluunniit kusagisannik nittartakkamik takusimavit, taamaattupajaamilllu pileralutit? Nassaarissavarput! Sikkimi kusanartumik atoruminartumillu nittartagaliorneq nuannareqaarput, stili suugaluarpalluunniit: Pisariunngitsoq piffissamilu sivisuumik atalluarsinnaasoq, alutornartoq pinngortitamiillu isumassarsianik aallertoq, iluserissoq isigalugulu nuannersoq, uummaarissoq takujuminartorlu, il.il Suliffeqarfippit ilisarnaqutaanut (brand) aamma soorunami tulluarsassavarput.

5. Imassai illit suleqatigalutit katersussavagut

Uagutsinnut pingaaruteqarpoq nittartakkap imarisaasa pitsaasuunissaat. Taamaattumik ikiorusuppatsigit qanoq imassaanik sanasinnaanersutit siunnersorlutit; allataagaluarpata, assiugaluarpata, videoogaluarpata assigisaanillu. Minnerunngitsumik pingaartipparput nittartakkap isumannaannissaa, GDPR-ip najoqqutaasa malinnissaat kiisalu ujarliutini pitsaasumik angusaqarnissaa.

6. Nittartakkap saqqummiutinnginnerani misilitsissavarput

Kisitta isumarput atornagu aamma iluaqutaasinnaavoq. Qanorluunniimmi isumaqartigigaluarutta uagut nittartagarput pitsaanerpaasoq, inuit allat aamma isumaat tusarniarsinnaavagut. Taamaattumik isumagisinnaavarput saqqummiutinnginnerani inunnit misiliisartunit misissorteqqaarnissaa, taamaalilluta isumannaassavarput aallaqqaataaniit pitsaasumik ingerlanissaa.

7. Saqqummiussineq

Illit aatsaat isumaqaruit nittartagaq naammassisoq, taava saqqummiutissavarput.

Aserfallatsaaliuineq ineriartortitsinerlu

Sananera naammassippat suli suliassaqassaaq. Ingerlatsinermi aamma nittartagaqarnermi ilaavoq.

Sikkimi assigiinngitsunik neqerooruteqarpugut: Nittartakkat sanatissinnaavat, sananeralu naammassippat nittartagaq tiguarlugu. Aamma nittartagaq sanatissinnaavat kinguneranilu ingerlannera, ineriartortinnissaa kiisalu avammut nittarsaannissaa uagutsinnut isumagitillugu.

Uani atuarsinnaavatit akiutigut.