Internetsikkut nittarsaaneq

Sikkimi suliffeqarfippit ilisarnassusaata ineriartortinnissaanut nittarsaannissaanullu pilersaarusiorninni ikiorsinnaavatsigit internetsimilu saqqumilaarnissat qulakkeerlugu.

Internetsikkut tuniniaanerit iluatsilluaruk

Suliffeqarfinnut – ingammik mikinerusunut – ilaatigut internetsikkut nittarsaanissaq siulliunneqanngitsoortarpoq. Assersuutigalugu takornarialerisunut piffissaq atorluagassaq tassaalluinnarpoq takornariat puigugassarinngisaannik misigitinnissaat. Misigisassat tamakku amerlanertigut samani pinngortitami pilersinneqartussaapput, qarasaasiap saavaniunngitsoq.

Sikkimi nuannarisannik suliaqarnissannik periarfissikkusuppatsigit.

Suliffeqarfippit ilisarnaataata ineriartortinnissaa internetsimilu saqqumilaarnissaa qulakkeerusupparput, ilinnut tulluartumik periusissamik pilersaarusiorluarnikkut, isertitappit qaffatsinnissaa anguniarlugu. Budgetsit malillugu soorunami suliaqassaagut, taamaalillutit aningaasartuutitit nammineq aqussavatit. CMS-systemit, ujarliutini inissisimanermik pitsanngorsaaneq (SEO), kanaalini tulluartuni ussassaarineq assigisaallu isumagisinnaavagut, illit pisisartuppit isumaginerini.

Nuimaneq takornarialerininnut iluaqutaassaaq. Video: Visit Greenland.

Ataatsimoortumik pisiassap imai

Suliffeqarfinnut minnernut ikiuinerit internetsikkut nittarsaanermut tunngasut (ataatsimoortumik pisiassaq) ukuninnga imaqarpoq:

  • Aallarniutaasumik oqaloqatigiinneq
  • Internetsikkut nittarsaanissamut periusissamik pilersaarusiorneq
  • Nittartakkap misissornera
  • Inunnut Attaveqaatit (sociale medier) misissorneri
  • Piffissap ingerlanerani pisariaqartillugu siunnersuineq ikiuinerlu
  • Pisariaqartillugu nittartakkamut attaveqaatinullu allatanik nutserineq
  • Inunnut Attaveqaatinut allanneq

Annertussusaa: Aallartisaanerup kingunerani agguaqatigiissillugu qaammammut ulluni marlunni sulineq. Uani akit takukkit.